Koʻrgazmada alohida eʼtiborni oʻziga tortgan loyiha esa 2025-yilning oxirida ishga tushirilishi rejalashtirilgan Markaziy nanoanalitik laboratoriya boʻldi.
Nodir metallar sohasiga innovatsion yondashuv
Ushbu nanoanalitik laboratoriya nodir metallar sohasida ishlov berish jarayonlarini yanada chuqur va aniq tahlil qilishga imkon yaratadi. Laboratoriya maʼdandan boshlab, tayyor mahsulotgacha boʻlgan jarayonni nano oʻlchamda tahlil qilish salohiyatiga ega boʻladi, bu esa sanoatning barcha sohalari uchun yangi imkoniyatlar eshigini ochadi. Kompleks laboratoriya geologik, metallurgik va texnologik tahlillarni amalga oshirishda eng zamonaviy texnologiyalardan foydalangan holda keng koʻlamli xizmatlarni taqdim etadi.
Laboratoriya yuqori samaradorligi bilan ham ajralib turadi, chunki u kuniga 1000 ta tahlil oʻtkazish imkoniyatiga ega. Bu esa nafaqat Oʻzbekiston, balki Markaziy Osiyo davlatlari uchun ham tahlil xizmatlarini taqdim etish imkonini yaratadi. Shu orqali mintaqadagi kompaniyalar va tashkilotlarga oʻz faoliyatlarini yanada samarali yuritish uchun zarur boʻlgan maʼlumotlar taqdim etiladi.
Xalqaro hamkorlik
Loyihaning umumiy qiymati 14 million yevrodan oshadi va bu miqdor eng zamonaviy texnologiyalar va barcha turdagi tadqiqotlarni amalga oshirish uchun zarur boʻlgan vositalarni oʻz ichiga oladi. “OʻzTMK” AJ tomonidan taqdim etilgan laboratoriya nafaqat yuqori sifatli tahlillarni amalga oshirish imkonini beradigan eng ilgʻor uskunalar bilan jihozlanadi, balki ilmiy-tadqiqot markazi va xodimlarni tayyorlash uchun qoʻshimcha imkoniyatlar ham yaratadi.
Shuningdek, xorijiy ekspertlar va soha mutaxassislari bu loyihani yuqori baholadi. Xususan, Oʻzbekiston-Koreya nodir metallar dasturi rahbari Kim Bum Sung taqdimotga alohida eʼtibor qaratib, “OʻzTMK” AJning innovatsion yondashuvini va laboratoriya loyihasini qoʻllab-quvvatladi.
“Koʻrgazmada «OʻzTMK” AJning ishtiroki meni hayratda qoldirdi. Bu loyiha, albatta, nodir metallar sohasidagi rivojlanishga katta hissa qoʻshadi. Biz Koreya tomonidan oʻz tajribamizdan foydalanib, loyihaning amalga oshishi uchun qoʻllab-quvvatlashga tayyormiz», – dedi Kim Bum Sung.
Yangi laboratoriyaning ahamiyati
Yurtimizda amalga oshirilayotgan ushbu loyiha sanoatni rivojlantirish, yangi texnologiyalarni joriy etish va ilmiy tadqiqotlarni kuchaytirish yoʻlida muhim qadam hisoblanadi. Markaziy nanoanalitik laboratoriya faqatgina oʻzining texnologik yutuqlari bilan emas, balki mintaqadagi sanoatning rivojlanishiga koʻrsatilgan qoʻllab-quvvatlash bilan ham ahamiyatli. Bu loyiha Oʻzbekistonni global sanoat sohasidagi yetakchi davlatlar qatoriga olib chiqish yoʻlida katta imkoniyat yaratadi.
Oʻzbekistonda texnologik metallar sanoatini rivojlantirish va raqobatbardoshligini oshirish yoʻlida “Oʻzbekiston texnologik metallar kombinati”AJ amalga oshirayotgan loyihalari nafaqat mamlakat ichki ehtiyojlarini qondirish, balki eksport salohiyatini oshirishga ham qaratilgan. Nanoanalitik laboratoriya kabi loyihalar, shubhasiz, mamlakatimizda metallarni qayta ishlash va yangi materiallarni yaratish borasidagi imkoniyatlarni kengaytiradi.
