12-13-dekabr kunlari katta masshtabli nam havo oqimlari, respublika hududlariga bemalol kirib kelishi uchun vaziyat yuzaga kelgan. Oqimlar gʻarb va shimoli-gʻarbdan kirib kelayotgani bois, sovuq va nam havo oqimidir. 13-14-dekabr kunlari respublika aholisining katta qismi qish manzarasiga guvoh boʻlishi mumkin. 14-dekabrdan sovuq antitsiklon taʼsiri hududlarda seziladi. Shimol hududlarda havo harorati minimumi kechalari -15 daraja sovuqgacha pasayadi.
Yaqin kunlarda Rossiyaning shimoli, shimoli-gʻarbi va shimoli-sharqida arktik sovuq havo oqimlari rivojlanishi prognozi berilmoqda. Oʻzbekistonda bu dekabr oyi ikkinchi oʻn kunligi ikkinchi pentada(15-20-dekabr)sida ham respublikada biroz past harorat kuzatilishiga olib kelishi mumkin.
