Oʻzbekiston Respublikasining 2020-yil 8-iyuldagi “Ov qilish va ovchilik xoʻjaligi toʻgʻrisida”gi 627-sonli Qonuniga muvofiq, joriy yilning 1-martidan 15-avgustga qadar ov mavsumi yopiladi.
Bu vaqtda yovvoyi hayvonlar va qushlarni ovlash qatʼiy taqiqlanadi.
Ekologiya, atrof-muhitni muhofaza qilish va iqlim oʻzgarishi vazirligi yurtdoshlarimizdan ov mavsumi tugagan davrda tabiatga yanada ehtiyotkorona munosabatda boʻlishlarini soʻraydi.
Shuningdek, noqonuniy ov bilan bogʻliq holatlarga duch kelsangiz, vazirlikning 1157, 1207, (71) 207-11-07 va (71) 207-11-08 telefon raqamlari, ecogovuz_bot telegram boti orqali yoki tegishli hududiy boshqarmalarga murojaat qilishlari soʻraladi.
Ekologiya vazirligining Aydar-Arnasoy koʻllar tizimini nazorat qilish boshqarmasi xodimlari tomonidan 2025-yilning yanvar fevral oylarida 125 ta nazorat chora-tadbirlari amalga oshirildi.
Toshkent viloyati Ekologiya boshqarmasi inspektorlari tomonidan hayvonot dunyosini muhofaza qilishga qaratilgan navbatdagi nazorat tadbir Yangiyoʻl tumanida oʻtkazildi.
Qashqadaryo viloyati Ekologiya, atrof-muhitni muhofaza qilish va iqlim oʻzgarishi boshqarmasi Dehqonobod tuman boʻlimi xodimlari tomonidan noqonuniy va taqiqlangan joylarda ov qilish holatlarining oldini olishga qaratilgan nazorat tadbiri oʻtkazildi.
Surxondaryo viloyati Ekologiya, atrof-muhitni muhofaza qilish va iqlim oʻzgarishi boshqarmasi hamda viloyat Milliy gvardiya boshqarmasi xodimlaridan iborat tezkor guruh tomonidan reyd tadbirlari oʻtkazildi.
