Maktabgacha va maktab taʼlimi vazirligining tegishli buyrugʻi bilan Oʻzbekistonda taʼlim sifati past boʻlgan maktablar roʻyxati tasdiqlandi.
2025/26-oʻquv yili uchun taʼlim darajasi yuqori boʻlmagan maktablar roʻyxatiga 470 ta maktab kiritildi. Bunday maktablarning eng koʻpi — 99 tasi Qashqadaryo viloyatida joylashgan.
Qolgan hududlarda taʼlim darajasi yuqori boʻlmagan maktablar soni quyidagicha:
- Samarqand viloyatida — 86 ta;
- Surxondaryo viloyatida — 70 ta;
- Jizzax viloyatida — 36 ta;
- Namangan viloyatida — 34 ta;
- Sirdaryo viloyatida — 32 ta;
- Fargʻona viloyatida — 29 ta;
- Qoraqalpogʻistonda — 24 ta;
- Andijon viloyatida — 23 ta;
- Navoiy viloyatida — 16 ta;
- Xorazm viloyatida — 9 ta;
- Buxoro viloyatida — 5 ta.
“Xalq taʼlimi info” portali maʼlumotlarida keltirilishicha, 2023-yilda shunday maktablar roʻyxatda 642 ta, 2024-yilda 545 ta edi. Bu yil taʼlim sifati past boʻlgan maktablar soni 75 taga qisqargan.
Taʼlim sifati past boʻlgan maktablarga boshqa hududlardan jalb etilgan oʻqituvchilarga ustama toʻlanadi
Vazirlar Mahkamasining 2021-yildagi qarori bilan tasdiqlangan nizomga koʻra, oliy maʼlumotga va birinchi yoki oliy malaka toifali, kamida 1-yil pedagogik ish stajiga ega oʻqituvchilar taʼlim sifati past boʻlgan maktablarga boshqa hududlardan jalb etilgan taqdirda ularga 50 foizdan 100 foizgacha ustama toʻlanadi.
