Toshkent klubi matbuot xizmati xabariga koʻra, “temiryoʻlchilar” Lazizbek Mirzayevni “Leganes” klubiga transfer qilgan. “Leganes” jamoasi La Liga ishtirokchisi sanalib, turnir jadvalida 17-oʻrinni egallab turibdi.

“Lazizbek Mirzayev futboldagi ilk qadamlarini «Lokomotiv” futbol maktabida Saydullo Tursunov qoʻl ostida yoʻlga qoʻygan boʻlib, oʻz yosh toifasida Oʻzbekistondagi eng iqtidorli futbolchilardan biri hisoblanadi. Uning Oʻzbekiston U-17 terma jamoasida sardor sifatida harakat qilishi ham bejiz emas. Biz Lazizbek Mirzayevga minnatdorchilik bildirgan holda Ispaniyadagi faoliyatiga omad tilab qolamiz», - deyiladi “Lokomotiv” xabarida.

Maʼlumot uchun, “Leganes” eng yuqori divizion La Ligada ishtirok etadi.