Qayd etilishicha, Migratsiya agentligi, Tashqi va Ichki ishlar vazirliklari mutasaddilari Migratsiya siyosatini rivojlantirish xalqaro markazi (ICMPD) bosh direktori Michael Spindelegger bilan uchrashdi.
“Tahlillarga asoslanadigan boʻlsak, yaqin kelajakda Yevropa Ittifoqi mamlakatlarida ishchi kuchiga boʻlgan ehtiyoj keskin oshadi. Oʻzbekistonda esa iqtidorli yoshlar koʻp va ularni xorijiy tillarga, talab yuqori kasblarga oʻrgatish tizimi juda yaxshi yoʻlga quyilmokda“, — deya taʼkidladi Avstriyaning sobiq Tashqi ishlar vaziri, ICMPD bosh direktori janob Spindelegger.
Uchrashuvda Migratsiya agentligi va mazkur Xalqaro markaz oʻrtasida Hamkorlik memorandumi imzolandi.
Unga koʻra, Markaz Migratsiya agentligi bilan birgalikda mahalliy aholiga Yevropa Ittifoqi mamlakatlarida qonuniy ishlash boʻyicha maslahatlar beradi, migratsiyaga ketmoqchi boʻlgan fuqarolar uchun safar oldi oʻquv kurslarini tashkil qiladi va salohiyatli ish beruvchilarni jalb qiladi.
