Unda Prezident Shavkat Mirziyoyev 2022-yil mart oyida 2022-2026-yillarda mamlakatimiz iqtisodiy, siyosiy va ijtimoiy hayotining barcha sohalarida xotin-qizlarning faolligini oshirish boʻyicha Milliy dastur qabul qilinishini bildirgani qayd etilgan.
“Dastur oliy taʼlim muassasalari, texnikum va kollejlarda oʻqiyotgan xotin-qizlarning taʼlim kontraktlarini toʻlash uchun 7 yil muddatga foizsiz taʼlim kreditlari taqdim etish, davlat oliy taʼlim muassasalarining magistratura bosqichida oʻqiyotgan barcha xotin-qizlarning kontrakt toʻlovlarini qaytarish shartisiz qoplash, xorijiy oliy taʼlim muassasalarining bakalavriat taʼlim dasturlari boʻyicha – 50 nafar, magistratura taʼlim dasturlari boʻyicha – 10 nafar xotin-qizlarga har yili «El-yurt umidi” jamgʻarmasi orqali qoʻshimcha grantlar ajratib borilishini koʻzda tutgan», deb yozadi nashr.
Maqolada ushbu chora-tadbirlarning barchasi oliy maʼlumot olayotgan ayollarni moliyaviy qoʻllab-quvvatlashga qaratilganligi alohida taʼkidlangan, deb xabar beradi “Dunyo” AA.
“Koʻplab ayollarni universitet darajalarini olishga undash - bu kerakli paytdagi toʻgʻri qadamdir, deb yozadi «Diplomat”. Hozirga qadar mamlakatda oliy taʼlim muassasalari sonini koʻpaytirish samarali boʻldi. Universitetlar soni oshgani sari oʻqimishli ayollarning ulushi ham ortdi. 2016-yilda mamlakat boʻylab ayollarning atigi 5,6 foizi oliy maʼlumotga ega edi, endi bu koʻrsatkich 17,7 foizni tashkil etmoqda».