O‘zbekiston Respublikasi Prezidenti Shavkat Mirziyoyev Qozog‘iston Respublikasi Prezidenti Qasim-Jomart Toqayevning taklifiga binoan 17-sentabr kuni tongda ikkinchi "Markaziy Osiyo - Germaniya" sammitida ishtirok etish uchun Ostona shahriga jo‘nab ketdi.
Tadbirda ko‘p qirrali hamkorlikni yanada kengaytirishning dolzarb masalalari muhokama qilinadi, mintaqaviy hamkorlik istiqbollari yuzasidan fikr almashiladi.
Shuningdek, yetakchilar Germaniyaning yirik kompaniya va banklari rahbarlari bilan uchrashuv o‘tkazadilar.
2024-yil 16-sentyabrda Togʻ-kon sanoati va geologiya vazirining birinchi oʻrinbosari O.Nasritdinxodjayev hamda AQSHning Oʻzbekistondagi favqulodda va muxtor elchisi Jonatan Henik foydali qazilmalar boʻyicha hamkorlikni mustahkamlash maqsadida muhim xomashyo sohasida (RM) oʻzaro anglashuv memorandumini imzoladilar.
MISIS Fan va texnologiyalar universitetining Olmaliq filiali negizida Ilgʻor muhandislik maktabi (IMM) tashkil etiladi. Boʻlajak talabalarni IMMga qabul qilish ham 2025/2026 oʻquv yilidan boshlab amalga oshiriladi.
Oʻzbekiston Respublikasi va Germaniya Federativ Respublikasi hukumatlari oʻrtasidagi hamkorlik doirasida Ekologiya, atrof-muhitni muhofaza qilish va iqlim oʻzgarishi vazirligi hamda Germaniya xalqaro hamkorlik jamiyati (GIZ) oʻrtasida ikkita loyihani amalga oshirish boʻyicha kelishuvlar imzolandi.
Ekologiya, atrof-muhitni muhofaza qilish va iqlim oʻzgarishi vazirligi tasarrufidagi “Saygachiy” majmua (landshaft) buyurtma qoʻriqxonasidagi fotoqopqonlarga boʻrsiqlar oilasi va chiyaboʻri muhrlandi.
Raqobat qoʻmitasi Sirdaryo viloyatida “Toza hudud” korxonasi maishiy chiqindi tashish xizmatini amalga oshirishda aholiga ortiqcha toʻlovlar hisoblaganini aniqladi.
Toshkentda Ohangaron davlat oʻrmon xoʻjaligining ijara asosida ajratilgan 2 ga yerini 61 ming dollarga sotmoqchi boʻlgan shaxslar ushlandi, deb xabar bermoqda Bosh prokuratura huzuridagi departament matbuot xizmati.
