Ushbu IPO O‘zbekiston Respublikasida yangi kapitalni jalb etishga qaratilgan eng yirik investitsiya tashabbusi hisoblanadi.
Avvalroq «ICTWEEK UZBEKISTAN – 2023» ko‘rgazmasida e’lon qilinganidek, «O‘zbektelekom» AK IPO orqali joylashtiriladigan, umumiy hajmi 5 542 046 dona bo‘lgan qo‘shimcha aksiyalar chiqarilishini ro‘yxatdan o‘tkazdi.
IPOni muvaffaqiyatli joylashtirish uchun «O‘zbektelekom» AK O‘zbekiston Respublikasi Tashqi iqtisodiy aloqalar milliy banki, «O‘zsanoatqurilishbank» ATB va «Portfolio Investments» investitsiya kompaniyasidan iborat anderrayterlar konsorsiumi bilan faol hamkorlik qilib kelyapti. Bu yerda IPO doirasida jami 33 milliarddan 55 milliard so‘mgacha mablag‘ jalb etishni reja etilgan bo‘lib, ushbu investitsiya mablag‘lari kompaniya faoliyatini yanada rivojlantirishga yo‘naltiriladi.
Biznes nonushta brokerlik kompaniyalari, investitsiya fondlari va sug‘urta kompaniyalarini ta'minlaydigan 100 ga yaqin manfaatdor investorlarni jalb qildi.
«O‘zbektelekom» AK IPO tashkilotchilarining eng yaxshi tajribasiga tayanib, o‘z aksiyalariga O‘zbekiston Respublikasi fuqarolari uchun ishonchli va foydali investitsiya sifatida ishonchni mustahkamlab, yuqori standartlarni o‘rnatishni rejalashtiryapti, deb xabar beradi «O‘zbektelekom» AK matbuot xizmati.
Kompaniya raqamlashtirish bo‘yicha lider sifatida Jett investitsiya servisi bilan hamkorlikda birinchilardan bo‘lib MyUZTELECOM mobil ilovasi orqali aksiyalarni onlayn xarid qilish imkoniyatini respublika bo‘ylab keng aholi qatlami uchun joriy etdi, bunda brokerlik hisob raqamlari IPO yetakchi anderrayteri «Portfolio Investments»da ochiladi. IPO orqali aksiyalarni xarid qilish uchun MyUZTELECOM ilovasida masofadan turib brokerlik hisobraqamini ochish va IPOda onlayn ariza topshirish kifoya.
