Shu yilning 3-may kuni taxminan soat 10:00 larda Buxoro shahar F.Xoʻjayev mahallasida yashovchi, 51 yoshli ayol turli ichki kechinmalar taʼsirida Buxoro shahar Ibrohim Moʻminov koʻchasida joylashgan qurilishi tugallanmagan binonining 8-qavatidan oʻzini pastga tashlamoqchi boʻlgan.
Voqea joyiga tezkorlik bilan yetib kelgan Buxoro shahar Ichki ishlar organlari faoliyatini muvofiqlashtirish boshqarmasi 2-son Ichki ishlar boʻlimi Huquqbuzarliklar profilaktikasi boʻlimi profilaktika katta inspektori katta leytenant Mirzayev Izzat Choriyevich u bilan tushuntirish-muzokara ishlarini olib boradi. Profilaktika inspektorining oʻz vaqtida koʻrgan chora-tadbirlari natijasida ayol hayoti qutqarib qolindi.
Hozirda ushbu ayolga Ichki ishlar organlari faoliyatini muvofiqlashtirish boshqarmasi xotin-qizlar bilan ishlash boʻyicha boʻlim hamda psixologlar guruhi psixolog xodimlari, boshqa mutasaddi idoralar masʼullari tomonidan tibbiy-psixologik yordam koʻrsatilib, voqea sabablari oʻrganilmoqda, deyiladi xabarda.
