Qilichbozlikni rivojlantirish uchun joriy etilayotgan yillik dasturlarga qoʻshimcha ravishda bu loyiha 2020-yilda ushbu sport turini faqatgina qoʻllab-quvvatlash uchun yoʻnaltiriladi. Boshqa odatdagi yillarda esa bu mablagʻga yozgi olimpiya oʻyinlarini tashkil etish mumkin edi.
U toʻrtta asosiy elementdan iborat:
1. Barcha federatsiyalar va konfederatsiyalarga 4,200 AQSH dollari miqdoridagi eksklyuziv mablagʻ taqdim etildi, shuningdek, FIEning 2020-yilga yillik aʼzolik badali bekor qilinadi.
2. 2020-yil yanvar-mart oylari, shuningdek, 2020-2021-yillardagi musobaqalar mavsumini tashkil etish uchun barcha toʻlovlar bekor qilinadi.
3. Har bir federatsiyada bitta qilichbozning 2021-yilda oʻsmirlar oʻrtasidagi chempionatlarida ishtirok etishini taʼminlaydigan moliyaviy grant dastlab, 2020-yilda oʻsmirlar va kursantlar oʻrtasidagi Jahon chempionati uchun ajratilgan edi, ular bekor qilinadi.
4. 2019–2020 musobaqalar mavsumiga nomzod boʻlgan sudyalar uchun “eksklyuziv taqsimot”. Xalqaro qilichbozlik federatsiyasi (FIE)ning 2020-yilga yillik aʼzolik badali bekor qilinadi.
FIE prezidenti Alisher Usmonov shunday dedi:
“Bizning dunyomiz ulkan tibbiy, iqtisodiy, jismoniy va psixologik oqibatlarga olib keladigan COVID-19 pandemiyasi bilan tahdid qilmoqda. Qilichbozlar va federatsiyalar barcha harakatlarni keskin toʻxtatishga majbur boʻlishdi. Birdamlik va hamjihatlik ruhida ushbu ogʻir davrni yengib oʻtish uchun, biz 2020-yilda 1 million Shveysariya franki miqdorida qoʻllab-quvvatlash rejasini qaror qildik.
Oʻzining uzoq va ulugʻvor tarixi davomida oʻziga xos Olimpiya sport turlaridan biri boʻlgan qilichbozlik qiyin toʻsiqlarni yengib oʻtdi.
FIE sportchilarimizni va butun tashkilotni himoya qilish, boʻlajak musobaqalar xavfsizligini taʼminlash uchun tinimsiz mehnat qilmoqda.
Qilichbozlar sifatida biz boshimizga bosh kiyim kiyib va niqob taqib, kelajakka birgalikda qaraymiz,” — deydi FIE prezidenti.
FIE prezidenti Alisher Usmonov 2008-yilda saylanganidan beri ushbu sportning asosiy moliyaviy homiysi boʻldi. 2008-yilda Parijda boʻlib oʻtgan Kongressda FIE prezidenti boʻlgan fransiyalik Rene Roshadan keyin, kelib chiqishi oʻzbekistonlik boʻlgan milliarder Usmonov yuqori lavozimlarda ishlagan vaqtida oʻzi shugʻullangan sport turiga katta saxovat koʻrsatdi.
Masalan, 2018-yilda qilichbozlik sporti federatsiyasiga 2.9 million AQSH dollari Alisher Usmonov tomonidan taqdim etilgan. 2020-yildan koʻzlangan dastlabki daromad 22,5 million AQSH dollariga teng boʻlishi kerak edi. Undan 5,25 million AQSH dollari Usmonov tomonidan tikilgan.
