Parij-2024 Olimpiadasida O'zbekistondan tashkiliy tarzda 450 nafar muxlis Frantsiyaga olib ketildi. «Andijon» klubi matbuot xizmati xabariga ko'ra, shundan 200 nafari Superliga birinchi davrasida juda faol bo'lgan aynan ushbu klub ishqibozlaridir.
Eslatib o'tamiz, O'zbekiston olimpiya jamoasi ertaga, 24 iyul kuni 1-turda Ispaniyaga qarshi saf tortadi. Uchrashuv soat 18:00da Parijdagi «Park de Prens» stadionida bo'lib o'tadi.
Ma'lumot uchun, Olimpiada bahslari 24 iyuldan 11 avgustga qadar davom etadi.
