Oliy Majlis Qonunchilik palatasining navbatdagi yigʻilishida parrandachilik sohasini rivojlantirish, bolalar sogʻlomlashtirish oromgohlarining faoliyatini yanada qoʻllab-quvvatlashga qaratilgan qonun loyihasi birinchi oʻqishda muhokama qilinmoqda.
2027-yil 1-yanvarga qadar boʻlgan davrda esa Oʻzbekiston kasaba uyushmalari Federatsiyasi tizimidagi statsionar bolalar sogʻlomlashtirish oromgohlari bino-inshootlari va yer uchastkalarini ijaraga berishdan olgan daromadlari boʻyicha foyda soligʻi, shuningdek, ijaraga berilgan obyektlari va ular egallagan yer uchastkalari boʻyicha yuridik shaxslarning mol-mulkiga solinadigan soliqni va yuridik shaxslardan olinadigan yer soligʻini toʻlashdan ozod etilishi nazarda tutilyapti.
Ushbu qonun loyihasining qabul qilinishi parrandachilik korxonalari faoliyatini yanada qoʻllab-quvvatlash, bolalarga yaratiladigan shart-sharoitlarni yaxshilash, bolalarni sogʻlomlashtirish va aqliy rivojlantirish boʻyicha ishlar samaradorligini oshirishga xizmat qiladi.
Qonun loyihasi birinchi oʻqishda konseptual jihatdan qabul qilindi.
