Bu haqda bosh vazir Nikol Pashinyan parlamentdagi hukumat soati chog'ida ma'lum qildi, deb xabar beradi Armaniston OAVlari.
“Bizga Ozarbayjon bilan urush mutlaqo kerak emas. Har qanday malakali kuzatuvchi ichki siyosiy pozitsiyalarimizni mustahkamlash uchun, aksincha, mintaqada barqarorlik zarurligini tushunadi”, dedi u tegishli savolga javob berar ekan.
Armaniston hukumati rahbari Armaniston Olmaota deklaratsiyasi asosida Ozarbayjonning hududiy yaxlitligini tan olganini va chegarani delimitatsiya qilish jarayonini davom ettirishni rejalashtirayotganini qayd etdi.
“Biz chegaraning keyingi qismida delimitatsiyani boshlashimiz kerak va bu jarayon davom etmoqda. Bizning maqsadimiz tinchlik shartnomasini kelishishdir, uning 90 foizi allaqachon bajarilgan”, dedi Pashinyan.
U, shuningdek, mintaqada yangi eskalatsiya uchun hech qanday sabab ko'rmayotganini aytdi, deb xabar beradi report.az.
