Maktabgacha va maktab taʼlimi vazirligining maʼlum qilishicha, mazkur mobil malaka oshirish xizmatlari respublikaning uzoq va chekka hududlarida joylashgan maktabgacha taʼlim tashkilotlari pedagog kadrlari uchun joriy etilgan.
Tajriba-sinov tariqasida ushbu avtobuslar ayni vaqtda Qoraqalpogʻiston Respublikasi, Qashqadaryo, Navoiy va Samarqand viloyatlariga joʻnatilmoqda.
Maʼlumotlarga koʻra, mobil malaka oshirish xizmatlari 4 ta auditoriya koʻrinishidagi qayta jihozlangan avtobuslar negizida tashkil etilgan boʻlib, avtobuslarning har biri 10 ta noutbuk, 1 dona interaktiv monitor, yozuv doskasi, WI FI router bilan qayta jihozlangan.
