Pentagon rahbariyati tekshiruv o'tkazishga va Ilon Maskning Pentagonga tashrifi haqidagi ma'lumotlarni tarqatganlarni jinoiy javobgarlikka tortishga qaror qilgan.
Avvalroq The New York Times gazetasi harbiylar Mask uchun "o'ta maxfiy brifing" o'tkazishni rejalashtirayotganini, unda Qo'shma SHtatlar va Xitoy o'rtasida mumkin bo'lgan urush rejalarini muhokama qilinishini habar bergan edi.
AQSH prezidenti Donald Tramp ommaviy axborot vositalarida tarqalgan bu xabarlarni "bema'nilik" deb atadi. 21 mart kuni jurnalistlar bilan suhbatda Tramp Ilon Mask Tesla kompaniyasiga rahbarlik qilayotgani sababli, manfaatlar to'qnashuvi yuzaga kelishi mumkinligini tan oldi va unga bunday ma'lumotlarga kirish huquqini hech qachon bermasligini aytdi.
