Polsha o'zining birinchi harbiy SAR sun'iy yo'ldoshini uchirishga tayyorlanmoqda. Uchirish 22-noyabr kuni Kaliforniyadagi Vandenberg havo kuchlari bazasidan (AQSh) SpaceXning Falcon 9 raketasida amalga oshiriladi. Bu haqda Satnews xabar berdi.
Ta'kidlanishicha, Polsha Qurolli Kuchlari uchun yangi sun'iy yo'ldoshlarni ishlab chiqish Finlyandiya ishlab chiqaruvchisi ICEYE konsortsiumi tomonidan Polsha davlat mudofaa guruhi PGZ sho''ba korxonasi va milliy sun'iy yo'ldosh razvedka tizimining bir qismi bo'lgan Wojskowe Zakłady Łączności No 1 bilan hamkorlikda amalga oshirilmoqda.
Bu Polshaning sintetik diafragma radar (SAR) tizimi bilan jihozlangan birinchi harbiy sun'iy yo'ldoshidir.
Loyihaning asosiy maqsadi Rossiyaning qo'shni Ukrainaga qarshi to'liq ko'lamli harbiy tajovuzi sharoitida Pol`sha Qurolli Kuchlari uchun Yerni kuzatish tizimini taqdim etishdir.
Noyabr oyida Transporter-15 missiyasi doirasida SpaceXning Falcon 9 raketasida dastlabki uchta harbiy sun'iy yo'ldosh uchiriladi. Uchirish rejasi AQShda Faxriylar kuni nishonlanadigan 11-noyabrdan 22-noyabrga qoldirildi.
Polsha Milliy Mudofaa vazirligi tomonidan o'tgan yilning may oyida ishlab chiqaruvchilar konsortsiumi bilan imzolangan shartnomaga ko'ra, mamlakat harbiylari MikroSAR dasturi doirasida kamida uchta sun'iy yo'ldosh oladi, yana uchtasini olish imkoniyati mavjud. Shartnomaning boshlang'ich qiymati taxminan 860 million zlotiyni (237 million AQSh dollari) tashkil etadi, deb xabar berdi korrespondent.net.
