Toshkent shahrida 2021-2023-yillarda mahalliy va xorijiy tashabbuskorlar tomonidan jami qiymati 9,442 trillion soʻm miqdoridagi 90 ta loyihalar amalga oshirilishi rejalashtirilgan.
Mazkur loyihalarda toʻgʻridan-toʻgʻri xorijiy investitsiya 739,5 million dollarni tashkil etib, shundan 3 596 ta xona va 7 050 ta oʻringa moʻljallangan 66 ta mehmonxona, 12 ta savdo, koʻngilochar biznes markazi, 9 ta madaniyat va istirohat bogʻi va 3 ta hunarmandchilik markazlari barpo etilishi nazarda tutilgan.
Hozirda loyihalar boʻyicha manzilli roʻyxat shakllantirilib, monitoring ishlari olib borilmoqda. 2021-yilda turizm sohasiga doir investitsion loyihalarni amalga oshirish natijasida 6 102 ta yangi ish oʻrni yaratiladi, deb xabar beradi Turizmni rivojlantirish davlat qoʻmitasi matbuot xizmati.