Prezident istirohat bog‘idagi sharoitlarni ko‘zdan kechirdi

    Hukumat 26 May 2023 5943

    Prezident Shavkat Mirziyoyev Toshkent shahridagi G‘afur G‘ulom nomidagi madaniyat va istirohat bog‘ida bo‘ldi.

    Bu maskan 2019-yilda xorijiy kompaniyaga ijaraga berilgan edi. O‘tgan vaqtda 12 million dollarlik qurilish-ta’mirlash ishlari amalga oshirilib, sharoitlar yaxshilandi. 43 ta yangi attraksion o‘rnatilib, uch yuzdan ziyod ish o‘rni yaratildi.

    Ilgari bog‘ga kuniga 30 ming atrofida mehmon kelgan bo‘lsa, rekonstruksiyadan so‘ng o‘rtacha 60 ming kishi tashrif buyurmoqda.

    Davlatimiz rahbari bog‘ bo‘ylab yurib, odamlar bilan suhbatlashdi. Bolajonlarga mehr ko‘rsatib, ezgu tilaklar bildirdi.