O‘zbekiston Respublikasi Prezidenti Shavkat Mirziyoyev Eron Islom Respublikasi Prezidenti Ibrohim Raisiyning taklifiga binoan rasmiy tashrif bilan ushbu mamlakatga jo‘nab ketdi.
Bugun Eron poytaxtida davlatimiz rahbari Prezident Ibrohim Raisiy va Oliy diniy rahbar oyatulloh Sayid Ali Xomaneiy bilan uchrashuvlar o‘tkazadi.
Bo‘lajak oliy darajadagi muzokaralarda mamlakatlarimiz o‘rtasidagi ko‘p qirrali munosabatlarni va ustuvor yo‘nalishlardagi amaliy hamkorlikni yanada rivojlantirishning dolzarb jihatlari ko‘rib chiqiladi. Mintaqaviy ahamiyatga molik masalalar yuzasidan fikr almashiladi.
“Zamin” fondi Vasiylik kengashi raisi Ziroat Mirziyoyeva Nukus shahridagi 1-sonli umumtaʼlim maktabi va 4-sonli ixtisoslashtirilgan maktab-internatiga tashrif buyurib, oʻqituvchilar va oʻquvchilar bilan suhbatlashib, taʼlim muassasalarida oʻrnatilgan zamonaviy suv tozalash tizimlarini koʻzdan kechirdi.
O‘zbekiston Respublikasi Prezidenti Shavkat Mirziyoyevning Mustaqil Davlatlar Hamdo‘stligi sammitida ishtirok etish maqsadida Moskva shahriga qilgan amaliy tashrifi yakunlandi. Davlatimiz rahbari Toshkentga jo‘nab ketdi.
