Suhbat chogʻida Afgʻonistondagi vaziyat, shuningdek, ushbu mamlakatdagi gumanitar vaziyat muhokama qilindi.
Germaniya Elchisi Oʻzbekistonning Afgʻonistonda uzoq muddatli va barqaror tinchlik oʻrnatishdagi muhim rolini taʼkidladi.
T.Klinner Afgʻoniston boʻyicha yagona mintaqaviy yondashuv ishlab chiqilishida, mamlakatda yirik infratuzilma loyihalarini amalga oshirish, shuningdek, afgʻon xalqiga gumanitar yordam koʻrsatish borasidagi Oʻzbekistonning saʼy-harakatlarini yuqori baholadi.
Oʻzbekiston va Germaniya oʻrtasidagi taʼlim sohasida, xususan, Termiz shahridagi Afgʻoniston fuqarolarini oʻqitish taʼlim markazi orqali hamkorlik qilish istiqbollari ham muhokama etildi, deb xabar beradi Tashqi ishlar vazirligi matbuot xizmati.