“Gap Amerika tomonining Grenlandiya bo'yicha jiddiy rejalari haqida ketmoqda. Bu rejalar, men hozir ko'rsatganimdek, uzoq yillik tarixiy ildizlarga ega. Va shubhasiz, AQSh keyin ham Arktikadagi geostrategik, harbiy-siyosiy va iqtisodiy manfaatlarini tizimli ravishda ilgari surishda davom etadi”, dedi Putin “Arktika – dialog hududi” xalqaro Arktika forumidagi chiqishi chog'ida.

Uning so'zlariga ko'ra, AQShning bunday rejalari XIX asrning 60-yillarida paydo bo'lgan – o'sha paytda, Putinning so'zlariga ko'ra, Amerika ma'muriyati Grenlandiya va Islandiyani anneksiya qilish imkoniyatini ko'rib chiqqan, biroq bu g'oya o'sha paytda Kongress tomonidan qo'llab-quvvatlanmagan.

“Aytgancha, 1868-yilga kelib, Amerika gazetalari Alyaskani sotib olishni kulgi qilishganini eslatib o'taman: u “jinnilik”, “muz qutisi” va AQShning o'sha paytdagi Prezidenti – “Endryu Jonsonning qutb ayig'i bog'i” deb atalgan. Shuning uchun Grenlandiya taklifi muvaffaqiyatsizlikka uchragandi. Ammo bugungi kunda bu sotib olish, Alyaskaning sotib olinishini nazarda tutyapman, Qo'shma Shtatlarning o'zida ham xuddi Prezident Endryu Jonson faoliyati kabi butunlay boshqacha baholanmoqda”, dedi Putin.

Shuningdek, u 1910-yilda AQSh, Germaniya va Daniya o'rtasida hududlarni almashish bo'yicha uch tomonlama bitim tayyorlanganini eslatib o'tdi, deb xabar beradi ria.ru.

“Natijada Grenlandiya Qo'shma Shtatlarga o'tib ketgan bo'lardi, biroq o'shanda kelishuv barbod bo'lgan. Ikkinchi jahon urushi paytida AQSh Grenlandiyaning fashistlar tomonidan qo'lga kiritilidan himoya qilish uchun harbiy bazalarini joylashtirdi, urushdan keyin esa AQSh Daniyaga orolni sotib olishni taklif qildi – jahon tarixi hisobi bo'yicha yaqinda, dedi Rossiya Prezidenti.