Hodisa yuzasidan "UZBEKISTAN AIRPORTS" munosabat bildirdi.
Qayd etilishicha, yongʻin Qarshi aeroporti yaqinida joylashgan "S.Smart" ishlab chiqarish korxonasi hududida sodir boʻlgan.
Yongʻin hududiga yongʻin-qutqaruv ekipajlari yuborilib, va yongʻin tez fursatda bartaraf etilgan. Shuningdek, yongʻin chiqqan hududga Qarshi aeroportidan ham 3 ta oʻt oʻchirish mashinasi ham yordamga kelgan.
Sanoat hududidagi yongʻin havo bandargohi faoliyatiga taʼsir qilmadi.
Qarshi xalqaro aeroporti normal rejimda ishlamoqda.
