Uchrashuvda investitsiya loyihalarini amalga oshirishga koreyalik hamkorlarni jalb etish istiqbollari muhokama etildi.
Xususan, koreyalik hamkorlarga EIZda yaratilgan shart-sharoitlar, infratuzilmaviy imkoniyatlar, xorijiy investorlarning qulay faoliyat yuritishi uchun berilayotgan imtiyoz va preferensiyalar haqida batafsil ma’lumot berildi.
Qo‘shma va xorijiy korxonalar faoliyatini tashkil etishning amaliy jihatlari muhokama etildi. Koreyalik hamkorlarni qiziqtirgan savollarga atroflicha javob qaytarilib, investitsiya loyihalarini qurish, ishga tushirish va kelgusida faoliyat yuritish jarayonida har tomonlama yordam ko‘rsatishga tayyorlik bildirildi.
Uchrashuv yakunlari bo‘yicha tomonlar istiqbolli investitsiyaviy takliflarni o‘rganish maqsadida turli formatlarda hamkorlikni davom ettirishga kelishib oldilar, deb xabar beradi Investitsiyalar va tashqi savdo vazirligi matbuot xizmati.