Maxsus Shtab Qarshi shahar, Nishon, Gʻuzor, Qamashi, Yakkabogʻ, Shahrisabz shahri va Muborak tumanlaridagi transformator punktlarida, 35-500kV podstansiyalarida hamda elektr uzatish tarmoqlarida olib borilayotgan ishlar bilan tanishib, bajarilishi lozim boʻlgan ishlar yuzasidan tegishli koʻrsatma va topshiriqlar berdi.

Qashqadaryo viloyati isteʼmolchilariga kuz-qish mavsumida jami 2 935,4 million kVt soat elektr energiyasi yetkazib beriladi. Bu oʻtgan mavsumga nisbatan 11,4 foizga koʻpni tashkil qiladi.

Isteʼmolchilarni elektr energiyasi bilan taʼminlash uchun 26,2 ming kilometr elektr uzatish tarmoqlari va 8 884 ta transformator punktlaridan foydalaniladi.

Joriy yil 1-oktyabrga qadar 2 097,2 kilometr elektr uzatish tarmoqlari va 701 ta transformator punktlari mukammal taʼmirlanadi. Bugungi kunda viloyat isteʼmolchilarini kuz-qish mavsumida elektr energiyasi bilan ishonchli taʼminlash uchun 22 ta transformator punkti, 19,5 tonna transformator moyi va 59,4 kilometr kabel mahsulotlarining zaxirasi yaratildi, deb xabar beradi Energetika vazirligi matbuot xizmati.