Bu haqda Toqayev payshanba kuni Ostona shahrida bo'lib o'tgan barcha darajadagi maslihat deputatlarining II Respublika forumida ma'lum qildi, deb xabar beradi report.az.

“Bir necha kundan keyin qozoq xalqi Qozog'istonda atom elektr stansiyasi bo'lishi yoki bo'lmasligi haqida qaror qabul qiladi. Ovoz berish natijalaridan qat'i nazar bu voqea ahamiyatli bo'ladi. Bo'lajak referendumning o'zi Qozog'istonda so'nggi besh yil ichida ro'y bergan ulkan o'zgarishlarning dalili, “tinglovchi davlat” tushunchasining yana bir yorqin ifodasidir”, dedi Toqayev.

Toqaevning fikricha, Qozog'iston “global taraqqiyot yo'lida qolib ketmaslik” uchun o'zining raqobatdosh ustunliklaridan foydalanishi kerak.

“Agar fuqarolar yoqlab ovoz berishsa, bu loyiha mustaqil Qozog'iston tarixidagi eng yirik loyihaga aylanadi. AES mamlakatning o'nlab yillar davomida barqaror rivojlanishini ta'minlaydi, energiya suverenitetni mustahkamlaydi. Albatta, bu uzoq muddatli loyiha, lekin u kelgusi o'nlab yillar davomida mamlakat uchun barqaror taraqqiyotni ta'minlaydi, dedi Qozog'iston Prezidenti.

Qozog'istonda 6-oktabr kuni AES qurish bo'yicha umumxalq referendumi o'tkaziladi. Respublika fuqarolari bitta savolga javob berishlari kerak bo'ladi: “Siz Qozog'istonda atom elektr stansiyasi qurilishiga rozimisiz?”.