Ma’lum qilinishicha, Bosh prokuratura huzuridagi Departamentning Qarshi shahri bo‘limi hamda boshqa huquqni muhofaza qiluvchi organlar hamkorligida o‘tkazilgan tezkor tadbirda fuqaro Z.Q. ushlangan. U 2 ta elim paketdagi 29 dona kapsula va 60 dona “Gabaten” dori vositasini 500 AQSh dollariga sotgan vaqtda ashyoviy dalillar bilan qo‘lga olingan.

Shuningdek, Andijon viloyati Ulug‘nor tumanida o‘tkazilgan tezkor tadbirda fuqaro J.A. fuqaro M.X.ga xorijda ishlab chiqarilgan 4 dona “Regapen” va 1 dona “Tropikamid” dori vositalarini 670 ming so‘mga sotgan paytda ushlangan. Undan mazkur dori vositalari ashyoviy dalil sifatida olingan.

Holatlar yuzasidan Jinoyat kodeksining 251-1-moddasi bilan jinoyat ishlari qo‘zg‘atilib, hozirda tergov harakatlari olib borilmoqda.