Qatar o'z suverenitetining buzilishiga toqat qilmaydi va Doha o'qqa tutilganidan keyin Isroilga qonuniy javob berish ustida ishlay boshlagan. Bu haqda mamlakat Bosh vaziri Muhammad bin Abdulrahmon bin Josim Al Tani ma'lum qildi, deya xabar beradi Al Jazeera.
“Qatar Isroilga javob berish huquqini o'zida saqlab qoladi va uning suverenitetining buzilishiga toqat qilmaydi”, dedi u.
Al Tanining so'zlariga ko'ra, Qatar Isroil tajovuziga javob berish va kelajakdagi hujumlarning oldini olish uchun har tomonlama yondashadi.
Rasmiylar, shuningdek, Isroil hujumiga javoban qonuniy choralar ko'radigan guruh tuzmoqda.
9-sentabr kuni Sky News Arabia Dohada bir nechta portlashlar sodir bo'lganini xabar qildi. Bunga Falastinning HAMAS harakati shtab-kvartirasiga SAXAL hujumi sabab bo'lgan. Jurnalistlar aniqlaganidek, hujum vaqtida binoda harakat rahbariyatining yig'ilishi bo'lib o'tgan.
Isroil Bosh vaziri Binyamin Netanyaxuning idorasi mamlakat HAMAS yetakchilariga qarshi operatsiya boshlaganini va amalga oshirganini va buning uchun javobgar ekanligini tasdiqladi. Biroq idora operatsiya o'tkaziladigan joy sifatida Qatarni to'g'ridan-to'g'ri tilga olmadi.
HAMAS avvalroq Dohaga qilingan hujumda AQShni ayblagan edi, deb xabar berdi gazeta.ru.
