XX asr boshida Samarqanddagi Registon minoralaridan biri (32 metr) yon tomonga qiyshaya boshlagan. Ikki yil ichida og'ish 1,8 metrdan oshib, tez orada qulashi ayon bo'lib qolgan. Arxitektor Kastalskiy minorani buzib, qayta qurishni taklif qiladi. Boshqalar bunga qarshi chiqadi, chunki minora qayta yig'ilsa, uning tarixiyligi yo'qolardi. Bahslar davomida minora po'lat simlar bilan o'ralib, qulashi to'xtatildi. Oradan 12 yil o'tib, taniqli muhandis Vladimir Shuxov bunga yechim topdi va to'rt kun ichida minora avvalgi holatiga qaytarildi.