Ushbu bitim Energetika vazirligi huzuridagi Tarmoqlararo energiyani tejash jamgʻarmasi ijrochi direktori Elzod Raxmanov va AT “Xalq banki” Boshqaruvi raisi oʻrinbosari Dilshod Qutliyev tomonidan imzolandi.
Kelishuv doirasida Bank Jamgʻarma mablagʻlari hisobidan aholiga energiya tejamkor va qayta tiklanuvchi energiya manbalari qurilmalarini sotib olish uchun Markaziy bankning asosiy stavkasidan oshmagan holda 5 yil muddatga yashil isteʼmol kreditlari ajratish rejalashtirilgan, deb xabar beradi Energetika vazirligi matbuot xizmati.
Ushbu kredit mablagʻlarini ajratish orqali aholining energiya resurslariga tobora oshib borayotgan talabini qondirishga va atrof muhitga zararli gazlar ajralishini kamaytirishga erishiladi.