“Jogorku Kenesh (parlament)ning bugun, 20-dekabrdagi yig'ilishida deputatlar “Qirg'iziston Respublikasining davlat ramzlari to'g'risida”gi qonuniga o'zgartishlar kiritish haqida”gi qonun loyihasini ikkinchi va uchinchi o'qishda ko'rib chiqishdi va qabul qilishdi”, — deya ma'lum qildi matbuot xizmati vakili.

Qonun loyihasi tashabbuskorlari parlament spikeri Nurlanbek Shakiyev va deputat Ulan Primov. Davlat ramzining elementini o'zgartirish Prezident Sadir Japarov tomonidan qo'llab-quvvatlandi.

Qonun loyihasida bayroqda aks etgan tunduk atrofida nurlarning to'lqinsimon shaklini o'zgartirish taklif etilmoqda. Qonun loyihasi tashabbuskorlarining ta'kidlashicha, ko'pchilik to'lqinsimon nurlarni mamlakatning asosiy qishloq xo'jaligi ekini hisoblanmaydigan kungaboqar bilan bog'laydi. Shu bilan birga, nurlar, deputatlarning fikriga ko'ra, quyosh nurlariga ko'proq o'xshaydi.

Ijtimoiy tarmoqlarning qirg'iz segmentida bu borada qizg'in muhokamalar bo'lib o'tdi. Ko'pgina foydalanuvchilar davlat ramzini o'zgartirishga qat'iyan qarshi bo'lishdi, deb xabar beradi ria.ru.