Bu haqda Qirg'iziston OAVlari xabar bermoqda.
Prezidentning e'tirozlari Okiykatchi (Ombudsman), Bosh prokuratura, Prezident huzuridagi Din ishlari va millatlararo munosabatlar milliy agentligi, Milliy fanlar akademiyasi, Adliya vazirligi va Konstitutsiyaviy sudning xulosalari asosida tayyorlangan.
“Ikki yoki ko'pxotinlik uchun jinoiy javobgarlikni saqlab qolish Qirg'izistonning xalqaro majburiyatlariga mos keladi. Bu davlatning gender tengligi va qonun ustuvorligi tamoyillariga sodiqligini ko'rsatadi, ayollar va bolalarni huquqiy va ijtimoiy tengsizlikdan himoya qiladi, shuningdek, oila institutini mustahkamlashga yordam beradi”, dedi davlat rahbari o'z e'tirozida.
Hozirda ko'pxotinlilik uchun axloq tuzatish ishlari yoki katta miqdorda jarima solinadi.
Deputatlar Nurlanbek Azigaliev va Mederbek Sakkarayev avvalroq Jinoyat kodeksiga o'zgartirish kiritish tashabbusi bilan chiqqan edi. Hujjat parlament tomonidan iyun oyi oxirida qabul qilingan edi, deb xabar berdi report.az.
