Besh kishining jasadi topildi. Yana ikkita odamni qidirish ishlari davom etmoqda, deb xabar beradi Favqulodda vaziyatlar vazirligi.
O'sh viloyatining bir qancha qishloqlarida birdaniga kuchli sel oqimi sodir bo'ldi. O'nlab turar-joy binolariga zarar yetdi. Mashhur dam olish maskani – Abshir-ota sharsharasi olib boruvchi yagona yo'l vayron bo'ldi.
Favqulodda vaziyatlar vazirligining vertolyoti va qo'shimcha qutqaruv kuchlari tabiiiy ofat yuz bergan hududga jo'natildi. Favqulodda holat e'lon qilindi. Kuchli yomg'ir tufayli qayta-qayta sel kelishi xavfi mavjud, deb xabar beradi mir24.tv.
