Bu yil oʻzbekistonliklar iqlimimiz uchun noodatiy sovuq yanvar oyini boshdan kechirdi. 2000-yillarning boshidan beri ushbu yilning yanvar oyidan faqat 2008-yil yanvar oyi umuman sovuqroq boʻldi.
Mamlakatimizning ayrim hududlarida, xususan, Toshkent shahrida eng sovuq kechalarda havo harorati koʻrsatkichlari nafaqat 2008-yildagidan past, balki soʻnggi yarim asrdagi eng past koʻrsatkich boʻldi.
Toshkent, Jizzax viloyatlari va respublika janubidagi ayrim stansiyalarning kuzatuvi natijalariga koʻra, joriy yilning yanvar oyida meteorologik kuzatuvlarning barcha yillari uchun minimal havo haroratining mutlaq rekordlari qayd etildi.
Yanvar oyining oxirgi kunlarida sovuq asta-sekin chekindi. Ushbu tendensiya fevral oyining boshida ham saqlanib turadi. Respublikamiz hududiga Oʻrta yer dengizi hududlaridan nam va nisbatan iliq havo kirib keladi.
Fevral oyining birinchi oʻn kunligida harorat asosan kechalari 0-5 daraja iliq, baʼzi joylarda 2 daraja sovuqgacha, kunduz kunlari 3-8 daraja iliqgacha, baʼzi joylarda 10-12 daraja iliqgacha, shimolda kechalari 3-8 daraja sovuq, kunduz kunlari 2-7 daraja iliq atrofida boʻladi.
Oʻn kunlik nisbatan yogʻingarchilikka boy boʻladi. Respublikaning barcha hududlari boʻyicha vaqti-vaqti bilan asosan yomgʻir koʻrinishidagi yogʻingarchilik boʻladi. Baʼzi joylarda qorga aylanishi bilan asosan yomgʻir koʻrinishidagi yogʻingarchilik boʻladi.
Keyinchalik, fevral oyining oxirigacha harorat kechalari 2-7 daraja iliqdan 0-5 daraja sovuqgacha, kunduz kunlari 2-7 daraja iliqdan 12-17 daraja iliqgacha oʻzgarib turishi kutilmoqda.
Ayrim kunlarda respublika boʻyicha baʼzi joylarda qor va yomgʻir koʻrinishidagi yogʻingarchilik boʻladi.
