Bu haqda Surxondaryo viloyati IIB JXX YHXB axborot xizmati xabar berdi.
Shu yilning 06-avgust kuni soat 12:40 larda Surxondaryo viloyati, Qumqoʻrgʻon tumani “Joziba” mahallasi hududidan oʻtuvchi 4N 1591 avtomobil yoʻlning 0 kilometrida 2000-yilda tugʻilgan haydovchi “Lasetti” rusumli avtomobilda “Qumqoʻrgʻon-Elbayon” temir yoʻl bekati oraligʻidagi temir yoʻl kesishmasida oʻrnatilgan ogohlantiruvchi svetoforning taqiqlovchi ishorasiga boʻysunmay harakatni davom ettirgan vaqtida, shu yoʻnalishdan harakatlanib kelayotgan “Sariosiyo-Termiz” yoʻlovchi poyezdi bilan toʻqnashdi.
Hodisa oqibatida haydovchi olgan tan jarohatlari tufayli voqea joyida vafot etdi.
Hozirda holat yuzasidan Qumqoʻrgʻon tumani IIB Tergov guruhi tomonidan tergovga qadar surishtiruv ishlari olib borilmoqda.
