Safar davomida ishchi guruh aʼzolari bir qator ishlab chiqarish obyektlarida boʻlib, ishlab chiqarishning texnologik jarayonini oʻrgandi va loyihalar tashabbuskorlari bilan uchrashuvlar oʻtkazdi. Suhbatda tadbirkorlarning faoliyatini kengaytirish, qoʻshimcha investitsiyalarni jalb qilish va ishlab chiqarilayotgan mahsulotlarning eksportini tashkil etishning istiqbollari muhokama qilindi.
Viloyatning koʻplab yoʻnalishlardagi iqtisodiy salohiyati ishga solinmayotgani maʼlum qilindi, shu bois ustuvor tarmoqlarda qoʻshilgan qiymat zanjirlarini yaratgan holda, sanoatni rivojlantirish uchun tumanlar va mahallalar kesimida barcha zaxiralar va imkoniyatlarni oʻrganish yuzasidan ishlarni faollashtirish zarurligi taʼkidlandi.
Uchrashuvlar davomida tadbirkorlar ishlab chiqarishni yoʻlga qoʻyish jarayonida duch kelgan muammolarni koʻtardilar. Barcha bildirilgan masalalar har tomonlama oʻrganildi, ularni hal etish algoritmlari ishlab chiqildi va masʼul rahbarlarga tegishli koʻrsatmalar berildi, deb xabar beradi Investitsiyalar va tashqi savdo vazirligi matbuot xizmati.
