Hodisa oqibatida 38 kishi, jumladan, uch nafar ekipaj a'zosi halok bo'lgandi, 29 kishi turli darajadagi tan jarohatlari olgandi.
Taxminlarga ko'ra, samolyotga jangovar qismning zarba beruvchi elementlari sabab bo'lgan, ammo ularning kimga tegishliligini aniqlab bo'lmadi. Ekspertiza shuni aniqladiki, samolyot gidravlika tizimi quvurlarining bir qismiga qattiq jismlarning tegib ketishi oqibatida shikastlangan. “O'yilish holatidagi zarar temir asosli metallar qotishmasidan (po'lat asos) yasalgan metall parchalari (begona ob'ektlar) oqibatida yuzaga kelgan bo'lishi mumkin”, deyiladi hujjatda.
Termal ta'sir tufayli Texnik xizmat ko'rsatish markaziy kompyuter kassetasidan ma'lumotlarni chiqarib bo'lmadi. Ma'lumot olish uchun Amerikaning xotira kartalarini ishlab chiqaruvchi Delkin Devices Inc. ishlab chiqaruvchisiga murojaat qilish tavsiya qilindi. Hozir Qozog'iston tomoni Amerika kompaniyasi zavodi bazasida tadqiqot o'tkazish bo'yicha AQSh vakili bilan muzokaralar olib bormoqda, deyiladi hisobotda.
Boku – Grozniy yo'nalishida parvoz qilgan Embraer-190 samolyoti 2024-yilning 25-dekabr kuni ertalab Qozog'istonning Aktau shahriga qo'nish paytida halokatga uchradi. Havo kemasi Grozniyga qo'nishi kerak edi, biroq tuman va keyinchalik dron hujumlari tufayli aeroportda joriy etilgan “Gilam” rejasi tufayli Aktauga yo'l olgandi, deb xabar berdi Rosaviatsiya. Rossiya Prezidenti Vladimir Putin oktabr oyida Ukraina uchuvchisiz uchoqlari tufayli otilgan rus raketalari samolyotdan bir necha metr masofada portlaganini aytdi, deb xabar berdi kommersant.ru.
