Muzokaralar chogʻida mamlakatlarimiz oʻrtasidagi davlatlararo tutash punktlarida yuk poyezdlarini qabul qilish/oʻtkazish boʻyicha jadallik va uzluksiz ishlarni tashkil etish, yuk poyezdlarini shakllantirish rejasi, yuk poyezdlarini tashish boʻyicha konteyner va tranzit tashishlarni tashkil etish kabi masalalar muhokamalarda oʻrin olgan.

Shuningdek, uchrashuvda oldin qabul qilingan oʻzaro kelishuvlar doirasida joriy yil 9 oyi davomida ikki davlat yuk tashish faoliyati boʻyicha salmoqli natijalarga erishilgani alohida taʼkidlandi. Tomonlar yuk tashishlardagi oʻzaro hamkorlikni yanada rivojlantirish va kengaytirishni davom ettirishga kelishib oldilar, deb xabar beradi “Oʻzbekiston temir yoʻllari” AJ matbuot xizmati.