Qayd etilishicha, Qozogʻiston shu yil kuz faslida atom elektr stansiyasi qurishni rejalashtirmoqda.

Bu haqda Prezident Qosim-Joʻmart Toʻqayev ommaviy axborot vositalari xodimlarini taqdirlash marosimida maʼlum qildi. Uning taʼkidlashicha, loyiha xalq ovozi bilan amalga oshiriladi.

— Mamlakatda atom energetikasini rivojlantirish uchun katta imkoniyat mavjud. Bu masala boʻyicha yakuniy qarorni xalq qabul qiladi. Referendum shu yilning kuzida boʻlib oʻtadi. Aniq sana hukumat tomonidan belgilangach, maʼlum qilinadi, – dedi Prezident Qosim-Joʻmart Toʻqayev.

Shuningdek, davlat rahbari bu boradagi ishlar keng muhokama etilayotganini aytdi.