Qozog'iston Respublikasi Ichki ishlar vazirligi ma'muriy politsiya qo'mitasining profilaktika ishlari bo'limi boshlig'i Ruslan Karjaspekovning so'zlariga ko'ra, qonun loyihasi allaqachon Senatda ko'rib chiqilmoqda.
Hozirda nosvoy sotish Ma'muriy javobgarlik to'g'risidagi kodeks (196-modda “Tovar yoki boshqa buyumlar bilan noqonuniy savdo qilish”) bo'yicha jazolanadi. Jazo sifatida 92 300 tenge miqdorida jarima qo'llanilmoqda, deb xabar beradi forbes.kz.
– Hozirda Senatda Sog'liqni saqlash vazirligi tashabbusi bilan ishlab chiqilgan qonun loyihasi ko'rib chiqilmoqda. Unda nosvoy va veypni tarqatganlik uchun jinoiy javobgarlik nazarda tutilgan, – dedi Ruslan Karjaspekov.