Qutqaruv operatsiyasida vertolyotlardan foydalanildi. Ba'zi odamlarni suv bosgan uylarning tomidan qutqarishga to'g'ri keldi. Ayrimlari hali suv ostida qolmagan joylardan evakuatsiya qilindi. Tabiiy ofatdan jabrlanganlarning barchasi Arkaliq shahridagi vaqtinchalik joylashtirish markazlariga yetkazildi.
Bir kun avval viloyatdagi yana ikki qishloqdan yuzdan ortiq mahalliy aholi evakuatsiya qilingan edi. Qutqaruvchilar hayvonlarga ham yordam berishyapti. Toshqin tufayli 25 tuya yaylovlardan uzilib qoldi. Ular xavfsiz joyga olib ketildi. Suv toshqinlari oqibatlarini bartaraf etish uchun G'arbiy Qozog'iston viloyatiga qo'shni viloyatlardan qo'shimcha harbiy va qutqaruv kuchlari yuborildi.
Umuman olganda, suv toshqini mamlakatning besh viloyatidagi 145 ta uy va ellikka yaqin hovliga zarar yetkazdi. Hozirda u yerda suvni tortib olish ishlari olib borilmoqda, deb xabar beradi mir24.tv.
