“Xorijiy ishchi kuchini (keyingi oʻrinlarda – XIK) jalb etish uchun ruxsatnomalar qatoriga quyidagi toifalar kiradi: rahbarlar va ularning oʻrinbosarlari uchun 605 ta ruxsatnoma (birinchi toifa), tarkibiy boʻlinma rahbarlari uchun 2 793 ta ruxsatnoma (ikkinchi toifa). Xorijiy ishchi kuchining asosiy qismi uchinchi (mutaxassislar) va toʻrtinchi (malakali ishchilar) toifalariga toʻgʻri keladi — mos ravishda 5 914 va 570 kishi. Shuningdek, mavsumiy ishlarga 2 ming 458 nafar, korporativ transferga esa 1 ming 196 nafar kishi jalb etildi”, — deyiladi xabarda.
Vazirlik maʼlumotlariga koʻra, ayni paytda Qozogʻistonda XIKdan foydalanayotgan 1 728 ish beruvchi bor. Ularda 459 mingdan ortiq Qozogʻiston fuqarosi ishlaydi, bu umumiy xodimlar sonining 99,2 foizini tashkil etadi.
Iqtisodiy faoliyat turlari boʻyicha eng koʻp ishlovchilar qurilish sohasida — 4 297 kishi (31,7%), maʼmuriy va yordamchi xizmatlarda — 1 629 (12%), qishloq, oʻrmon va baliq xoʻjaligida — 1 482 kishi (10,9%), togʻ-kon sanoati — konchilik va karyerlarni qazib olish – 1 285 kishi (9,4%), qayta ishlash sanoati – 1 248 kishi (9,2%), kasbiy, ilmiy va texnik xizmatlar — 797 kishi (5,9%).
Mehnat migrantlarining asosiy kelib chiqish mamlakatlari: Xitoy — 4 011 kishi (29,6%), Oʻzbekiston — 1 577 kishi (11,6%), Hindiston — 1 187 kishi (8,7%), Turkiya — 1 058 kishi (7,8%).
Ichki mehnat bozorini himoya qilish maqsadida QR Mehnat va aholini ijtimoiy himoya qilish vazirligi har yili respublikaga chet ellik mutaxassislarni jalb etish uchun kvotalar belgilaydi va ajratadi. 2024-yilda umumiy kvota respublikadagi ishchi kuchining 0,23 foizi yoki 22 ming birlik etib belgilandi, deb xabar beradi Kazinform.
