Ushbu tantanali marosimda mamlakatimiz sport delegatsiyasi ham ishtirok etdi. Sportchilarimiz xorazmcha qoʻshiq sadosi ostida sahnaga chiqib kelishdi.
Ochilish marosimida Oʻzbekiston bayroqdori boʻlishdek sharafli vazifa esa yunon-rum kurashi boʻyicha 5 karra mamlakat chempioni, Ozarbayjon, Qozogʻiston, Xorvatiyada boʻlib oʻtgan xalqaro turnirlar sovrindori, I MDH oʻyinlari kumush medali sohibi Muhammadqodir Rasulovga ishonib topshirildi.
I MDH oʻyinlarida 9ta davlat, yaʼni Armaniston, Ozarbayjon, Moldova, Belarus, Qozogʻiston, Qirgʻiziston, Tojikiston, Oʻzbekiston hamda mezbon Rossiya Federatsiyasi sport delegatsiyalari 182 ta medallar jamlanmasi uchun bahslarga kirishgan.
Maʼlumot uchun: I MDH oʻyinlarida mamlakatimiz sportchilari musobaqa dasturidagi 17ta sport turidan 15tasida ishtirok etyapti, deb xabar beradi
Turizm va sport vazirligi matbuot xizmati.
