Konferensiyada Qozogʻiston, Ozarbayjon, Turkiya davlatlaridan, shuningdek, respublikamizdagi ilgʻor oliy oʻquv yurtlari, ilmiy-tadqiqot markazlaridan olimlar, doktorantlar va tadqiqotchilar ishtirok etdi.

Mehmonlar dastlab institutda qoraqalpoq adabiyotining atoqli vakili Ajiniyoz Qosiboy oʻgʻlining 200-yilligi munosabati bilan tashkil etilgan Ajiniyoz muzeyida boʻlib, bu yerdagi eksponatlar bilan tanishdi.

Xalqaro tadbir doirasida olimlar qoraqalpoq, oʻzbek, qozoq, turkman va boshqa xalqlar adabiyotining yaqin aloqalari, Abay Qoʻnonboy oʻgʻli ijodining nafaqat qozoq xalqi, balki turkiy xalqlar va jahon adabiyotidagi tutgan oʻrni, uning chuqur falsafiy, gumanistik fikr-mulohazalari, qarashlari, asarlarining jahon xalqlari adabiyotida oʻrganilishi, ularni xalqaro miqyosda targʻib qilish va kelajak avlodlarga yetkazish kabi masalalar boʻyicha maʼruzalar qildi. Oʻzaro fikr almashdi.

Konferensiya oʻz ishini seksiyalarda davom ettirdi.

Minajatdin Qutlыmuratov,

“Yangi Oʻzbekiston” muxbiri.