Maʼlum qilinishicha, Davlat xavfsizlik xizmati xodimlari Ichki ishlar va bojxona organlari bilan hamkorlikda oʻtkazgan tezkor-qidiruv tadbirlari davomida qoʻshni davlatdan kontrabanda yōli bilan olib kelingan katta miqdordagi narkotik modda toʻxtatib qolingan.

Tekshiruv jarayonida Margʻilon shahrida yashovchi, 1973 yilda tugʻilgan, muqaddam narkojinoyat uchun sudlangan shaxs kuzatuvga olingan. U qirgʻizistonlik tanishlari tomonidan Xoʻjaobod tumanida yashirib ketilgan 24 kg 475 gramm «gashish» moddasini qabul qilib olayotgan vaqtida ashyoviy dalillar bilan ushlangan.

Mazkur holat yuzasidan unga nisbatan Oʻzbekiston Respublikasi Jinoyat kodeksining 28, 246-moddasi (kontrabanda) 2-qismi hamda 25, 273-moddasi (giyohvandlik vositalari va psixotrop moddalarni oʻtkazish) 5-qismi bilan jinoyat ishi qoʻzgʻatilib, «qamoq» ehtiyot chorasi qoʻllanildi.

Hozirda tergov harakatlari davom ettirilib, ushbu jinoyatga aloqador boshqa shaxslarni aniqlash ishlari olib borilmoqda.