Uchrashuvda Ramsar konvensiyasining Osiyo va Okean boʻyicha kotibiyati bosh maslahatchisi Reyko Iidzuka hamda Markaziy Osiyo uchun Ramsar mintaqaviy tashabbuslarini muvofiqlashtiruvchi qoʻmitasi raisi professor Eldar Rustamov ishtirok etib, Oʻzbekiston Respublikasining mazkur sʼay-harakati yuqori baholanib, mamlakatimizning bu borada Markaziy Osiyoda yetakchilik qilayotganligi alohida taʼkidlab oʻtildi.
Mamlakatimiz suvda suzuvchi qushlarning asosiy yashash manzili boʻlgan xalqaro ahamiyatga ega suvli-botqoqli hududlar toʻgʻrisidagi xalqaro konvensiyaga 2001-yilda aʼzo boʻlgan edi. Dastavval Dengizkoʻl hamda Aydar-Arnasoy koʻllar tizimi Ramsar konvensiyasi roʻyxatiga kiritilgan.