Bu haqda Fichajes.net nashri xabar bermoqda.
Maʼlumotlarga koʻra, “Real Madrid” oʻzbek markaziy himoyachisini ijara asosida tarkibga qoʻshish variantini koʻrib chiqmoqda. Bu qaror jamoada himoyachilarning jarohatlari va rotatsiya yetishmasligi bilan bogʻliq.
Abduqodir Xusanov oʻtgan yozda “Lans” klubidan taxminan 40 million yevro evaziga “Manchester Siti”ga oʻtgan, biroq Pep Gvardiola jamoasida kam oʻyin amaliyotiga ega boʻlmoqda. Angliya klubida futbolchining rivoji uchun ijara varianti istisno etilmayapti.
“Real Madrid” rahbariyati Xusanovning jismoniy salohiyati, havodagi oʻyini va oʻsish imkoniyatini yuqori baholamoqda. Ayni paytda uni sotib olish majburiyatisiz ijara varianti ustuvor hisoblanmoqda.
Muzokaralar hozircha dastlabki bosqichda. Tomonlar ijara shartlari va maosh masalasida kelishuvga erishsa, bitim qishki transfer oynasida amalga oshishi mumkin.
