Bugungi kunda yangi bogʻlarni barpo qilish va eskilarini yangilash uchun 350 million dona virusdan xoli, serhosil va eksportbop meva koʻchatlariga ehtiyoj borligi qayd etildi.
Respublika boʻyicha 16 ta tumanda “Agrostar” kompaniyalari tashkil qilindi. Ular ishni eng avvalo zamonaviy mahsulotni koʻpaytirishdan, yaʼni urugʻ, koʻchat va oʻgʻitdan boshlashi kerakligi koʻrsatib oʻtildi.
Masʼullarga “Agrostar” kompaniyalari uchun zamonaviy “in-vitro” laboratoriyalarini barpo etish, 16 ta tumanda saqlash, qadoqlash, saralash va qayta ishlashni oʻz ichiga olgan bittadan zamonaviy agromajmuani ishga tushirish topshirildi.
Prezident Shavkat Mirziyoyev raisligida 19-noyabr kuni kambag‘allikni qisqartirish hamda aholi bandligini ta’minlash borasidagi ishlar sarhisobi va kelgusi yil uchun ustuvor vazifalar yuzasidan videoselektor yig‘ilishi bo‘lib o‘tdi.
“Hamma eshitib olsin, bundan buyon daromad topish imkoniyati cheklangan va nogironligi bor shaxslar kambagʻallar reyestrida boʻlmaydi. Ularni qoʻllab-quvvatlashni davlat zimmasiga oladi”, – dedi Prezidentimiz.
Ikkinchi yoʻnalish – servis loyihalarini koʻpaytirib, aholi bandligini taʼminlash. Mamlakatimizda eng yuqori oʻsish surʼatini taʼminlayotgan soha xizmatlar sohasi ekani taʼkidlandi.
