Jamoalar palatasi spikeri Penni Mordont keyingi kurashdan bosh tortganidan keyin Sunak bu lavozimga yagona daʼvogar boʻlib qoldi.
Saylovda qatnashish uchun nomzodni parlamentda tori partiyasining kamida 100 nafar aʼzosi qoʻllab-quvvatlashi kerak. Boshqaruvdagi partiya qoʻmitasi qaroriga koʻra, agar bu ishni faqat bir kishi uddalay olsa, u oʻz-oʻzidan partiya rahbari va bosh vazir boʻladi.
Sobiq bosh vazir Boris Jonson konservatorlar yetakchisi lavozimiga oʻz nomzodini ilgari surmadi.
Hozir 42 yoshda boʻlgan Rishi Sunak Buyuk Britaniyaning 1812-yildan shu kungacha saylanganlar orasida eng yosh bosh vazir va bu lavozimni egallagan birinchi hindistonlik siyosatchi boʻldi.
Jonsondan keyin bosh vazir lavozimini egallagan Liz Trass rekord darajadagi qisqa muddat – 44 kun faoliyat yuritdi va oʻtgan hafta isteʼfoga chiqishini eʼlon qildi.