Rodri 2023/24-yilgi mavsumda o'z klubi va terma jamoasining muvaffaqiyatida muhim rol o'ynagach, bu sovrinni qo'lga kiritdi. U “Siti”ga ketma-ket to'rtinchi marta Premyer-liga chempionligini qo'lga kiritishda yordam berdi va keyinchalik Germaniyada o'tkazilgan EVRO-2024 turnirida Ispaniyaning g'olib chiqishida munosib hissa qo'shdi va musobaqaning eng yaxshi futbolchisi deb topildi.

erkaklar o'rtasidagi “Oltin to'p” natijalari:

1. Rodri (Ispaniya, Manchester Siti)

2. Vinisius Junior (Braziliya, “Real Madrid”)

3. Jud Bellingem (Angliya, “Real Madrid”)

4. Dani Karvaxal (Ispaniya, “Real Madrid”)

5. Erling Xoland (Norvegiya, “Manchester Siti”)

6. Kilian Mbappe (Fransiya, “PSJ”/“Real Madrid”)

7. Lautaro Martines (Argentina, “Inter”)

8. Lamin Yamal (Ispaniya, “Barselona”)

9. Toni Kroos (Germaniya, “Real Madrid”)

10. Garri Keyn (Angliya, “Bavariya”)

“Barselona” futbolchisi Aytana Bonmati ketma-ket ikkinchi yil ayollar o'rtasida “Oltin to'p”ni qo'lga kiritdi, Karlo Anchelotti yilning eng yaxshi murabbiyi, “Real Madrid” esa yilning eng yaxshi erkaklar klubi deb topildi. Rodrining Ispaniya terma jamoasidagi jamoadoshi Lamin Yamal Kopa kubogini, “Aston Villa” va Argentina terma jamoasi darvozaboni Emiliano Martines esa Yashin kubogini qo'lga kiritdi.

28-oktabr kuni Parijdagi Shatle teatrida 68-marta eng nufuzli mukofotni topshirish marosimi bo'lib o'tdi. “Oltin to'p” 1956-yildan beri France Football tomonidan har yili topshirilib kelinmoqda. Mazkur mukofot futbolchilarning ajoyib yutuqlari va beqiyos iste'dodi e'tirofi sifatida beriladi, deb xabar beradi ru.uefa.com.